Program

Ope alle dagar utanom måndagar – velkomne til oppdaging, leik og kunnskap!

I år har vi færre større arrangement i løpet av sommaren, men vi fokuserer på eit godt grunntilbod. Oppdag naturmangfaldet i våre nye kunnskapsløyper, kom heilt nært innpå våre viktige pollinatorar i Observasjonsbikuben, bli med på eksperiment i Energilaben, oppdag nye element i Reisen i jorda, leik i klatreparken, køyr traktorar og leik i miniatyrgarden på gardsplassen, prøv Sansestien og hopp i halmen på låven – og sjølvsagt: bli med inn til dyra!

Velkomne til omvisingar og aktivitetstilbod frå midten av juni og ut august!

Opningstidene våre:
Tysdag-fredag 10-16
Laurdag-sundag 11-17
Måndag stengd

Har du planlagt din #tingvollsommar?

Følg med på sommarprogrammet på www.facebook.com/okoparken!

 

 

FØLG ÅRET I TINGVOLL ØKOPARK

I løpet av året kan du få med deg dette:

  • Familieaktivitetar: Familiedisco, lese- og undringsstund, natursti m.m.
  • Verkstader: Etter skuletid tilbyd vi verkstader på utvalde ettermiddagar, i hyttebygging, hobbyverkstad med råvarer frå naturen, omattskaping (re-design) m.m.
  • Barselkafé Eit ope tilbod for deg som er heime med barn. Det er sjølvsagt lov å bli lenger enn oppsett tid. Vi har god plass til vogner inne, stellebord og sofaer til amming.
  • Kurs: I samarbeid med NORSØK presenterer vi ulike kurs gjennom året, t.d. i konservering av frukt og bær. Eiga kursavgift.
  • Konsertar: Gjennom året kan du oppleva konsertar på ulike stader i Økoparken, både ute og inne. Vi inviterer alt frå klassiske musikarar til rockeband, dei fleste frå vårt eige nærområde.
  • Teater: Økoparken får innimellom besøk av Teatret Vårt og andre.
  • Årstidsarrangement: Kjøkkenhagedag, Julemarknad osb.
  • Økobonde for ein dag: Sommartilbod onsdagar og fredagar 10-12 og 13-15
  • Økolab – ferietilbod for ungar (blir ikkje arrangert sommaren 2021)
  • Open økokafé med butikkhjørne kvar fredag og sundag. På menyen finn du som oftast suppe etter sesong, ein type økoblings, ein salat og noko søtt – ofte heimebakte kanelsnurrar. Butikken har fokus på kortreist og lokalprodusert, økologisk og zero waste.

 

Kva ser du fram til i #åretiøkoparken?

Følg programmet på www.facebook.com/okoparken!

Dagsprogram: Sjå oppsette tider for fôring av dyra og guidingar.
Oppdagingsferd: Bli med og leik og oppdag i kunnskapsløypene i Stjernehagen og til Fugleikkeskjulet!